Putin BƏƏ lideri ilə Yaxın Şərqdəki vəziyyəti müzakirə edib

Rusiya prezidenti Vladimir Putin Birləşmiş Ərəb Əmirliklərinin prezidenti Məhəmməd bin Zayed əl-Nəhyan ilə telefon danışığı aparıb.

BAKU.WS xəbər verir ki, bu barədə Rusiya prezidentinin rəsmi saytında məlumat verilib.

Bildirilir ki, tərəflər Yaxın Şərqdə hərbi-siyasi vəziyyətin davamlı şəkildə pisləşməsi ilə bağlı ciddi narahatlıqlarını ifadə ediblər.

Liderlər həmçinin hərbi əməliyyatların tezliklə dayandırılmasının vacibliyini müzakirə ediblər. Danışıq zamanı münaqişənin həlli üçün fəal səylərin göstərilməsinin əhəmiyyəti vurğulanıb və regiondakı bütün ölkələrin maraqlarının nəzərə alınmasının zəruriliyi qeyd olunub. Bildirilib ki, Rusiya bu ölkələrlə dostluq münasibətlərini qoruyur.