Paşinyan bildirib ki, erməni alkoqol məhsullarını konyak adlandırmaq olmaz

"Erməni alkoqol məhsullarını konyak adlandırmaq olmaz, çünki belə bir ad "Fransanın qeyri-maddi dəyəridir".

BAKU.WS xəbər verir ki, bu fikri Nikol Paşinyan hökumətin iclasında bildirib.

"Bu belə olmaz, konyak Fransanın qeyri-maddi dəyəridir. Biz erməni konyakı deyə bilmərik", - o deyib və əlavə edib ki, hətta ailələrdə də "konyakı brendi adlandırmalıdırlar".

Xatırladaq ki, 2021-ci ildə Ermənistan hökuməti "konyak" brendi altında spirtli içkilərin istehsalının dayandırılması üçün Avropa İttifaqının 3 milyon avro məbləğində maliyyə yardımı haqqında sazişi təsdiqləyib. AB qanunlarına görə, yalnız Fransanın müəyyən bölgəsində istehsal olunan məhsulların belə bir ad almaq hüququ var.