Panamada həbsxanadan kütləvi qaçış: ölənlər və yaralananlar var

Panamanın paytaxtında yerləşən həbsxanalardan birində baş verən kütləvi qaçış zamanı azı 3 nəfər ölüb, 9 nəfər yaralanıb.

BAKU.WS xəbər verir ki, hadisə zamanı 195 məhbus həbsxanadan qaçıb. Təhlükəsizlik qüvvələrinin keçirdiyi əməliyyat nəticəsində onlardan 123-ü yenidən saxlanılıb.

Hazırda qaçan digər məhbusların axtarışları davam etdirilir. Panama hakimiyyəti hadisənin başvermə səbəblərinin araşdırıldığını bildirib.

Kütləvi qaçışdan sonra ölkə üzrə təhlükəsizlik tədbirləri gücləndirilib.