Pakistanda ticarət mərkəzində yanğın: 6 nəfər ölüb, 20 nəfər yaralanıb

Pakistanın Karaçi şəhərində yerləşən ticarət mərkəzində baş verən yanğın nəticəsində 6 nəfər həyatını itirib, 20 nəfər isə xəsarət alıb.

BAKU.WS Pakistan mətbuatının yaydığı məlumata istinadən xəbər verir ki, yanğın ticarət mərkəzinin bir hissəsini əhatə edib. Hadisə yerinə cəlb olunan xilasedicilər yanğının təxminən 30 faizinin nəzarət altına alındığını bildiriblər.

Hazırda yanğının tam söndürülməsi istiqamətində işlər davam etdirilir. Hadisənin başvermə səbəbi ilə bağlı araşdırma aparılır.