Nikolas Maduronun qalacağı kamera ilk dəfə görüntüləndi - Pəncərəsi belə yoxdur

ABŞ Prezidenti Trampın göstərişi ilə qaçırıldığı iddia edilən Venesuela Prezidenti Nikolas Maduro və həyat yoldaşı Silia Flores dünən ilk dəfə hakim qarşısına çıxıblar. İş üzrə növbəti məhkəmə iclasının isə 17 mart tarixində keçiriləcəyi bildirilib.

BAKU.WS xəbər verir ki, məhkəmədən sonra yenidən həbsxanaya aparılan Maduronun qalacağı kamera da görüntülənib.

Kamerada pəncərənin olmaması və gigiyenik qaydaların pozulması müzakirələrə səbəb olub.

Maduronun 17 martda keçiriləcək ikinci məhkəmə iclasına qədər bu kamerada qalacağı qeyd olunub.

Həbsxanaın daxilindəki kameralar hamısı belədir. Bu kameralarda pəncərə yoxdur. Kiçik pəncərələr isə yalnız kameralar arasında yerləşir.

Qeyd edək ki, ABŞ-nin ötən şənbə günü Venesuelaya təşkil etdiyi hərbi əməliyyat nəticəsində Nyu-Yorka aparıldığı bildirilən, Venesuelanın devrilən lideri Nikolas Maduro və həyat yoldaşı Silia Flores narkotik qaçaqmalçılığı və qanunsuz silah saxlanılması maddələri ilə ittiham edilirlər.

ABŞ Dairə Məhkəməsinin hakimi tərəfindən aparılan məhkəmə prosesinə Maduro ayaqları qandallı halda gətirilib.

Maduro ona qarşı irəli sürülən bütün ittihamları rədd edərək, "Amerika məni evimdən qaçırdı, mən günahsızam" deyə bildirib.