Myanma ordusu kəndi bombaladı: Onlarla ölü və yaralı var

Asiya ölkəsi Myanmada ordunun silahlı etnik azlıqların nəzarətində olan bir kəndə hava hücumu nəticəsində ən azı 40 nəfər həlak olub, 20 nəfər isə yaralanıb.

BAKU.WS xəbər verir ki, bu barədə haber global məlumat yayıb.

Hücum zamanı başlayan yanğınlar nəticəsində kənddəki yüzlərlə ev külə dönüb. Bombalanan kəndin Ramri adasında yerləşən və Arakan ordusunun nəzarətində olan Kyauk Ni Maw olduğu bildirilib.

Myanma ordusu hadisə ilə bağlı heç bir açıqlama verməyib. Xəbər, bölgədəki bir yardım təşkilatına əsaslanaraq yayılıb.