Musiqi aləminin "Kabus"u altı yaşında dünyanı necə "fəth etdi"?

Musiqi dahisi Endryu Lloyd Vebber altı yaşında süitalar bəstələməyə başlayaraq gələcəkdə dünyanın ən məşhur müzikllərinin müəllifinə çevrilib.

Şair Tim Rays ilə tanışlığı onun həyatını dəyişib və "İsa Məsih - Superulduz" ilə "Evita" əsərləri ona şöhrət qazandırıb. 1980-ci illərdə yazdığı "Pişiklər" və "Opera kabusu" müziklləri dünya teatr tarixində əfsanəyə çevrilib.

Endryu Lloyd Vebber ikinci həyat yoldaşı, müğənni Sara Braytmanı səhnədə ucaltsa da, məşhurluq onların ailəsini dağıdıb. Bəstəkar alkoqol asılılığı ilə mübarizə aparıb, daha sonra prostat xərçəngi səbəbindən bir neçə əməliyyat keçirib. O, hətta İsveçrədə evtanaziya istəsə də, professor Rocer Kirbinin əməliyyatı sayəsində xəstəliyi məğlub edib.

Lakin 2023-cü ildə onun böyük oğlu Nikolas xərçəngdən vəfat edib və Vebber bu itkini həyatının ən ağır dərdi adlandırıb. "Qremmi", "Oskar" və digər nüfuzlu mükafatların sahibi olan bəstəkar həm də Britaniya Kraliçası tərəfindən baron titulu ilə təltif olunub.

Ətraflı Baku TV-nin süjetində: