Moskva məhkəməsi "Telegram"ı buna görə cərimələyib

Moskvanın Taqanski Məhkəməsi Telegram messencerini İŞİD terror təşkilatının təbliğatını aparan kanalları silməkdən imtina etdiyinə görə cərimələyib.

BAKU.WS xəbər verir ki, bu barədə TASS məlumat yayıb.

Yerli Baş Prokurorluq həmçinin "Telegram"da saxta sənədlərin alqı-satqısı, qeyri-qanuni kütləvi tədbirlər, Rusiya ordusunu nüfuzdan salan yazılar və etibarsız sosial əhəmiyyətli məlumatların yer aldığı qeydlər barədə məlumatlara da diqqət çəkib.

Roskomnadzor messencer administrasiyasından kanalları ləğv etməyi tələb etsə də, tələbə məhəl qoyulmayıb. Nəticədə məhkəmə "Telegram"ı 4 milyon rubl cərimə edib.

Söhbət 2024-cü il dekabrın 3-də Telegram-a tətbiq edilən cərimədən gedir. Həmin vaxt cəzanın dəqiq səbəbi açıqlanmayıb.