Moldova hava məkanının pozulduğunu açıqladı

Moldova Müdafiə Nazirliyi 3 fevral gecəsi bir pilotsuz uçuş aparatının (PUA) ölkənin hava məkanını pozduğunu bildirib.

BAKU.WS xəbər verir ki, nazirliyin Telegram kanalında verilən məlumata görə, PUA saat 00:30-dan (yerli vaxtla 01:30) 00:45-ə qədər Moldova hava məkanında olub. Uçuş trayektoriyası belə olub: Pavlovka (Ukrayna) - Karamanova - Mayak - Qriqoriopol. Daha sonra PUA eyni marşrut üzrə ölkə ərazisini tərk edib.

Qeyd edək ki, ötən ilin noyabr ayında Moldova Daxili İşlər Nazirliyi Kişineu ətrafında PUA qalıqlarının tapıldığını açıqlamışdı.