Mask ABŞ seçkilərinin ilk nəticələrinə reaksiya verib

Amerikalı sahibkar və iş adamı İlon Mask ABŞ-də keçirilən seçkilərdə səslərin sayılması və seçki prosesinin ilk nəticələri fonunda Respublikaçı namizəd Donald Trampın üstünlüyünə "geym, set və matç" sözləri ilə reaksiya verib.

BAKU.WS xəbər verir ki, müvafiq yazı Maskın X sosial şəbəkəsindəki səhifəsində yerləşdirilib.

Tennisdə istifadə olunan terminlərə istinad edərək, "geym, set və matç" yazıb.

Son məlumatlara görə, Trampın qalib gəlmək şansı 94 faizdir.

Çərşənbə günü səhər saat 7:42-də bildirildi ki, bukmeker kontorları Trampın qalib gəlmək şansını 94% qiymətləndirib.

Xatırladaq ki, ABŞ-də prezident seçkiləri keçirilir. Ağ Evin keçmiş rəhbəri Donald Tramp (Respublikaçılar partiyasından) və hazırkı vitse-prezident Kamala Harris (Demokratlar) bu post üçün mübarizə aparır. Sorğular göstərir ki, onların heç birinin əhəmiyyətli üstünlüyü yoxdur, lakin həlledici səs Arizona, Viskonsin, Corciya, Miçiqan, Nevada, Pensilvaniya və Şimali Karolina ştatlarında olacaq.