KXDR Cənubi Koreyaya yenidən zibil balonları göndərib

Koreya Xalq Demokratik Respublikası (KXDR) yenidən zibillə dolu şarları Cənubi Koreyaya doğru havaya atıb.

BAKU.WS xəbər verir ki, bu barədə Yonhap agentliyi məlumat yayıb.

Cənubi Koreyanın Birləşmiş Qərargah Rəisləri Komitəsi sakinləri şarlara toxunmamağa və havadan düşən obyektlərə qarşı ehtiyatlı olmağa çağırıb.

Bundan əvvəl Cənubi Koreyanın Silahlı Qüvvələri, əgər Şimali Koreya tullantılarla dolu şarların buraxılmasını dayandırmasa, qətiyyətli və sərt tədbirlər görəcəyini vəd etmişdi. Bununla belə, komitə ölkənin hansı konkret tədbirlər görəcəyini dəqiqləşdirməyib.