"Kurtlar vadisi"nin aktrisasından ETİRAF: "Kədərin ən böyüyünü yaşadım"

"Kurtlar vadisi"nin məşhur aktrisası Özgü Namal açıqlaması ilə bütün diqqətləri üzərinə çəkib. 

BAKU.WS xəbər verir ki, uzun illərdən sonra "Instyle" jurnalına danışan aktrisa şəxsi həyatı ilə bağlı bəzi etiraflar edib. 

O həyat yoldaşı Ahmet Serdar Oralı itirməyin onun üçün çox kədərli hadisə olduğunu vurğulayıb:

"Həyat yoldaşımın itkisi çox çətin və ağır idi. Dünyadakı bütün itkilər ağırdır, hər hansı bir ağrını bir-birinizlə müqayisə etmirəm. Mənə görə mən kədərin ən böyüyünü yaşadım. Ətrafımda bir çox insan məni yenidən həyata qaytarmaq istədi. Ancaq hər kəsə dedim: "Xahiş edirəm icazə verin. İcazə verin, bu ağrıları yaşayım, özümü hazır hiss etdiyim zaman ayağa qalxacam".

Xatırladaq ki, Ahmet Serdar Oral 2020-ci ildə infarkt keçirərək vəfat edib. Cütlüyün iki övladı var.