Kolumbiyadan ABŞ-yə sərt mesaj: Suverenliyimizi qoruyacağıq

Kolumbiya ABŞ-dən mümkün təhdidlərlə bağlı mövqeyini açıqlayıb. Xarici işlər naziri Rosa Yolanda Vilyavisensio bildirib ki, rəsmi Boqota diplomatik yolları üstün tutur, lakin hər hansı hücum halında ölkənin suverenliyi hərbi vasitələrlə müdafiə ediləcək.

BAKU.WS xəbər verir ki, nazirin sözlərinə görə, Kolumbiya Silahlı Qüvvələri Prezident Qustavo Petronun rəhbərliyi altında tam hazırlıqlıdır. ABŞ Prezidenti Donald Trampın Kolumbiya ilə bağlı sərt açıqlamaları iki ölkə arasında gərginliyi artırıb.

Rəsmi Boqota Vaşinqtonla dialoqu davam etdirmək niyyətindədir və ABŞ-nin Boqotadakı səfirliyinə etiraz notasının təqdim ediləcəyi bildirilib. Kolumbiya tərəfi Prezident Petroya yönələn ittiham və ifadələrin ölkəyə qarşı hörmətsizlik olduğunu vurğulayıb.