İzmirin iki rayonunda güclü meşə yanğını: yollar bağlanıb

Türkiyənin İzmir vilayətində güclü yanğın baş verib. Qaziemir rayonunun Beyazevler məhəlləsi yaxınlığındakı tullantı sahəsində başlayan alov küləyin təsiri ilə meşəlik əraziyə yayılıb.

BAKU.WS-in məlumatına görə, eyni vaxtda Buca rayonunda da yanğın genişlənərək Otokent Avtosalonlar Kompleksinə qədər çatıb.

Alovun söndürülməsi üçün havadan və qurudan yanğına müdaxilə edilir. Polis qüvvələri TOMA texnikasından istifadə edərək alovun qarşısını almağa çalışır. Təhlükəsizlik məqsədilə yanğın bölgəsində avtomobil yolları bağlanıb.