İranda yeni ali liderlə bağlı razılıq əldə olunub

İranda yeni ali liderin müəyyənləşməsi ilə bağlı mühüm mərhələ başa çatıb.

BAKU.WS "Mehr"ə istinadən xəbər verir ki, ölkənin ali rəhbərinin seçilməsi məsələsində İran Ekspertlər Şurası daxilində ümumi razılıq formalaşıb.

Məlumatı Şuranın üzvlərindən biri – Məhəmməd-Mehdi Mirbaqeri İran mediasına açıqlamasında təsdiqləyib. Onun sözlərinə görə, qurumun üzvləri son günlər intensiv müzakirələr apararaq yeni ali dini liderin müəyyən edilməsi istiqamətində mühüm irəliləyiş əldə ediblər.

Mirbaqeri qeyd edib ki, şura üzvlərinin böyük əksəriyyətinin dəstəklədiyi vahid mövqe formalaşıb. Bununla belə, rəsmi açıqlamadan əvvəl həllini gözləyən bəzi prosedur məsələlərinin qaldığını da vurğulayıb.