İranda iğtişaşlarda hüquq-mühafizə orqanlarının səkkiz əməkdaşı həlak olub

İranda baş verən son iğtişaşlar zamanı Hüquq-Mühafizə Orqanları Komandanlığının xüsusi bölmələrindən səkkiz hərbçi həyatını itirib.

BAKU.WS xəbər verir ki, Komandanlıqdan verilən açıqlamaya görə, ölən hərbçilər yanvarın 8 və 9-da baş verən insidentlər zamanı həlak olublar. Bildirilir ki, hərbçilər qiyamçıların atəş açması və hüquq-mühafizə əməkdaşlarına müxtəlif silahlardan hücum etməsi nəticəsində ölüb.

Məlumata əsasən, insidentləri törədən silahlı şəxslərdən 200 nəfər saxlanılıb. Eyni zamanda, iğtişaşçılara aid sığınacaqlardan döyüş sursatları, müxtəlif növ silahlar, qumbara və Molotov kokteylləri aşkarlanaraq müsadirə edilib.