İlon Mask 11 uşağı və iki keçmiş həyat yoldaşı üçün 35 milyonluq villa aldı

İlon Mask Texasda 11 övladı və iki keçmiş partnyoru üçün 35 milyon dollarlıq kompleks alıb.

BAKU.WS xəbər verir ki, Tesla-nın qurucusu İlon Maskın İtaliyanın Toskana bölgəsindəki dəbdəbəli evləri xatırladan 1,340 kvadratmetrlik bir malikanə aldığı açıqlanıb. Mənbələrə və rəsmi qeydlərə görə, villanın arxasında altı yataq otağı olan əlavə bir bina da var.

Mask uşaqları ilə daha çox vaxt keçirmək məqsədilə Neuralink işçisi Şivon Zilis və müğənni Qrimesin bitişik evlərdə yaşamasını istədiyi bildirilir. O, həmçinin uşaqların bir-birinə yaxın olmasını istəyir.

Maskın Zilis ilə iki yaşında Strider və Azure adlı əkizləri və bu il dünyaya gəlmiş adı açıqlanmayan bir övladı var. Qrimes ilə isə 4 yaşında X AE A-XII, iki yaşında Exa Dark Sideræl və Techno Mechanicus adlı uşaqları var.

İlk həyat yoldaşı Castinin Maskdan 20 yaşında əkizləri Griffin və Vivian, həmçinin 18 yaşında üçüzləri Kai, Saxon və Damian var. Cütlüyün 2002-ci ildə 10 həftəlik ikən gözlənilmədən həyatını itirmiş Nevada adlı bir övladı da olub.

Mənbələrə görə, Şivon Zilis uşaqları ilə evlərdən birinə köçüb, lakin Qrimesin üç uşağının himayəsi üçün davam edən məhkəmə prosesi səbəbindən kompleksə hələ köçməyib. Qrimes və Mask arasındakı himayə davası Texas və Kaliforniyada davam edir.