"Hizbullah" İsrail ordusunun 5 obyektini hədəfə alıb

Livanın "Hizbullah" qruplaşması İsrail Müdafiə Ordusuna məxsus 5 obyektə zərbələr endirib.

BAKU.WS xəbər verir ki, məlumatı "Al-Jazeera" telekanalı yayıb.

Bildirilir ki, hücumların əsas hədəfləri İsrail hərbçilərinin cəmləşdiyi ərazilər, radiolokasiya stansiyası və artilleriya mövqeləri olub.

Xüsusilə Livanın cənubunda yerləşən İsrail bölmələrinin raket atəşinə tutulduğu qeyd olunur.

Bundan əlavə, qruplaşma hücumlar zamanı pilotsuz uçuş aparatları və raketlərdən istifadə edib.