"Hizbullah" bunu ilk dəfə etdi - İsraili optik sistemlə təchiz olunmuş dronla vurdu

"Hizbullah" qruplaşması müharibədə bir ilkə imza atıb. Onlar optik sistemlə təchiz olunmuş dronla İsraili vurublar.

BAKU.WS xəbər verir ki, ölkənin şimalına ən azı 40 pilotsuz uçuş aparatı (PUA) buraxılıb, onlardan biri isə optik sistemlə təchiz olunub.

İsrail dövlət televiziyası "KAN"ın məlumarına görə, "Hizbullah"ın dünən buraxdığı 40 drondan bəziləri ələ keçirilib, qalanları isə qəzaya uğrayıb.

Bildirilib ki, aşkarlanmasını çətinləşdirən inkişaf etmiş optik sistemlə təchiz olunmuş PUA-lardan biri İsrailin şimalındakı Kiryat Şmona şəhərində qəzaya uğrayıb.

Sözügedən dron inkişaf etmiş hava silahı hesab olunur, kiberhücumlardan qorunur və aşkarlanması və zərərsizləşdirilməsi çətindir.

İddia edilirdi ki, pilotsuz təyyarə binaların içərisində manevr edə, 5 kiloqram partlayıcı maddə daşıya və onlarla kilometr məsafəni qət edə bilir.

İsrailin "Globes" saytı iddia edir ki, "Hizbullah" bu yaxınlarda Livanın cənubunda İsrail tanklarını və zirehli personal daşıyıcılarını hədəf almaq üçün "FPV" dronlarından istifadə etməyə başlayıb.

Veb saytın hesabatında "Hizbullah" tərəfindən yayımlanan görüntülərdə intiharçı dronların havada yüksək sürətlə manevr etdiyi və zirehli maşınlarla və hətta əsgərlərlə toqquşduğu göstərilib və bunların müşahidə və kəşfiyyat dronlarından fərqli olduğu qeyd edilib.