Hindistanda "Tejas" qırıcısı qəzaya uğradı

Hindistanda "Tejas Light Combat Aircraft" (LCA) tipli hərbi təyyarə qəzaya düşüb.

BAKU.WS-in məlumatına görə, bu barədə "The Economic Times" nəşri mənbələrə istinadən xəbər yayıb.

Bildirilir ki, hadisə ayın əvvəlində hərbi aviabazalardan birində baş verib. Qırıcı təlim uçuşunu başa vurduqdan sonra eniş zamanı qəza ilə üzləşib.

Məlumata əsasən, təyyarə ciddi zədələnib və onun istismardan çıxarılması ehtimal olunur. Pilot ağır xəsarət alsa da, sağ qalmağı bacarıb. Hadisənin səbəbləri araşdırılır.