Günəşdə X səviyyəli partlayış baş verib

Fevralın 1-də Günəşdə güclü X sinifli partlayış müşahidə olunub. Hadisə Bakı vaxtı ilə saat 16:33-də pik həddinə çatıb.

BAKU.WS xəbər verir ki, Rusiya Elmlər Akademiyasının Kosmik Tədqiqatlar İnstitutunun Günəş Astronomiyası Laboratoriyası partlayışın X1.04 səviyyəsində olduğunu açıqlayıb. Alimlər yaxın günlərdə Günəşdə yeni iri hadisələrin baş vermə ehtimalının yüksək olduğunu vurğulayıblar.

Qeyd edək ki, Günəşdəki partlayışlar rentgen şüalarının gücünə görə A, B, C, M və X siniflərinə ayrılır və X sinfi ən güclü kateqoriyanı təşkil edir.