Günəşdə iki partlayış olub

Fevralın 8-də Günəşdə M sinfinə aid iki orta güclü partlayış baş verib.

BAKU.WS xəbər verir ki, bu barədə məlumatı Rusiyanın Tətbiqi Geofizika İnstitutu (İPQ) yayıb. Ekspertlərin bildirdiyinə görə, ilk hadisə Moskva vaxtı ilə saat 14:18-də qeydə alınıb. Rentgen diapazonunda 4366 ləkə qrupunda M1.8 səviyyəli partlayış baş verib və proses 8 dəqiqə davam edib.

İkinci partlayış isə saat 14:43-də 4358 ləkə qrupunda müşahidə olunub. Bu hadisə M1.7 gücündə olub və 28 dəqiqə davam edib.