FT: Blokadaya görə İranın 20 tankeri Şri-Lanka sahillərində qalıb

Amerika hərbçilərinin İran limanlarını blokadaya alması fonunda bu ölkənin bayrağı altındakı 20-yə yaxın tanker Şri-Lanka sahillərində toplanıb.

BAKU.WS "Report"a istinadən xəbər verir ki, bu barədə "Financial Times" (FT) monitorinq resurslarının məlumatlarına istinadən bildirib.

"TankerTrackers"in məlumatına görə, Şri-Lankanın müstəsna iqtisadi zonasına İranın dövlət qurumlarına məxsus təxminən 20 yüksüz tanker sığınıb.

"Kpler" şirkəti qeyd edir ki, ABŞ-nin İrana qarşı dəniz blokadasını bərpa etdiyi vaxtdan bəri Xark adasında Fars körfəzindən gələn heç bir tanker yüklənməyib. Bununla yanaşı, Şri-Lanka və Pakistan sahillərində onlarla boş tanker cəmləşib.

Şri-Lankanın Limanlar Nazirliyindən bildiriblər ki, ölkənin sahil xəttində İran tankerlərinin toplanmasından xəbərsizdirlər.

ABŞ Silahlı Qüvvələrinin Mərkəzi Komandanlığının (CENTCOM) məlumatına görə, avqustun 24-nə kimi Amerika hərbçiləri artıq 71 ticarət gəmisini ələ keçirib və üçünü sıradan çıxarıb.