Filippində dəhşətli zəlzələ - Ölənlərin sayı artıb

Filippinin cənubunda güclü zəlzələ nəticəsində həyatını itirənlərin sayı artıb. Son məlumatlara əsasən, hadisə nəticəsində azı 7 nəfər ölüb, 11 nəfər isə xəsarət alıb.

BAKU.WS xəbər verir ki, bu barədə ölkənin Fəlakət Riskinin Azaldılması və Aradan Qaldırılması Milli Şurası (NDRC) məlumat yayıb.

Bildirilib ki, təbii fəlakət ümumilikdə 8 400 nəfərə təsir göstərib. Onlardan təxminən 8 000 nəfər təhlükəsizlik məqsədilə təxliyə mərkəzlərinə köçürülüb.

Oktyabrın 10-da səhər saatlarında Filippində 7,4 maqnitudalı güclü yeraltı təkan baş verib. Günün ikinci yarısında isə bölgə 6,8 maqnitudada təkrar zəlzələ ilə silkələnib. Yerli seysmoloqlar ümumilikdə 700-dən çox afterşok qeydə alıblar.

Zəlzələdən sonra Şərqi Davao, Şərqi Samar, Cənubi Leyte və Suriqao əyalətlərində sunami təhlükəsi ilə bağlı xəbərdarlıq elan olunub.