Ermənistanda qazdoldurma məntəqəsində partlayış baş verib

Ermənistanın Kotayk vilayətinin Abovyan şəhərində yerləşən qazdoldurma məntəqəsində partlayış və ardınca yanğın qeydə alınıb. Hadisə nəticəsində bir nəfər xəsarət alıb.

BAKU.WS-in Shamshyan.com-a istinadən verdiyi məlumata görə, insident səhər saatlarında baş verib. İlkin araşdırmalar partlayışa məntəqə əməkdaşlarından birinin siqaret çəkməsinin səbəb olduğunu göstərir.

Yaralanan şəxs dərhal İrəvanda yerləşən ixtisaslaşmış Yanıq Mərkəzinə çatdırılıb. Faktla bağlı cinayət işi başlanıb və hadisənin detalları araşdırılır.