Ekrem İmamoğlu istintaqın dörd milyardlıq zərər iddiasına cavab verməkdən imtina edib

İstanbul Böyükşəhər Bələdiyyəsinin sədri Ekrem İmamoğlu ittiham edildiyi "Tender saxtakarlığı" maddəsi üzrə ifadə verib.

BAKU.WS xəbər verir ki, müstəntiqlər reklam tenderi zamanı yol verilən qanunsuzluq nəticəsində dövlətə dörd milyard lirə (185 milyon manat - red.) dəyərində zərər dəydiyini bildirib.

İmamoğlu suallara cavab vermək istəmədiyini və iddiaları qəbul etmədiyini deyib.

Məlumat üçün bildirək ki, İstanbul Böyükşəhər Bələdiyyəsinin sədri Ekrem İmamoğlu və 99 şübhəli barəsində "Cinayət təşkilatının lideri və ya üzvü olmaq", "Qəsbkarlıq", "Rüşvətxorluq" və "Tender saxtakarlığı" maddələri üzrə saxlanılmaları barədə qərar verilib.