Daha bir ölkə İranı tərk etməklə bağlı çağırış ETDİ

Serbiya Xarici İşlər Nazirliyi (XİN) ölkə vətəndaşlarına İranı tərk etməklə bağlı çağırış edib.

BAKU.WS xarici KİV-ə istinadən xəbər verir ki, Nazirliyin yaydığı rəsmi məlumatda İran İslam Respublikasında artan gərginlik və təhlükəsizlik vəziyyətinin daha da pisləşməsi riski vurğulanıb. Bu səbəbdən hazırda İranda olan bütün Serbiya vətəndaşlarına mümkün qədər tez ölkəni tərk etmələri tövsiyə olunur.

Qurum qeyd edib ki, vətəndaşlar mövcud vəziyyəti diqqətlə izləməli, təhlükəsizlik qaydalarına əməl etməli və zərurət yarandıqda diplomatik nümayəndəliklə əlaqə saxlamalıdırlar.

Xatırladaq ki, daha əvvəl Almaniya və İsveç də öz vətəndaşlarına İrandan çıxmaqla bağlı oxşar müraciət etmişdi.