Çasov Yardakı zavodda amansız döyüşlər gedir

Ukrayna Silahlı Qüvvələrinin (USQ) ən böyük möhkəmləndirilmiş ərazisi olan Çasov Yardakı odadavamlı zavodun ərazisində şiddətli döyüşlər gedir.

BAKU.WS xəbər verir ki, bu barədə TASS məlumat yayıb.

"Çasovoy Yar şəhərindəki odadavamlı zavod ərazisində döyüşlər gedir. Bu, şəhərdəki ən böyük möhkəmləndirilmiş rayondur. Hazırda hücum bölmələri onu mühasirəyə almaq üçün ərazini dolanır", - deyə məlumatda qeyd olunur.

Həmçinin qeyd olunub ki, şəhərdə və ətraf ərazilərdə USQ-nin logistika imkanları əsas yollar və ikinci dərəcəli magistrallar üzərinə endirilən zərbələr nəticəsində ciddi şəkildə çətinləşib.