Bu qəsəbəyə köçüb yaşayanlara 30 000 dollar verilir

İtaliyada tarixi qəsəbədə köçüb yaşayanlara 30 000 dollar ödəniş edilir.

BAKU.WS xəbər verir ki, bu Toskana bölgəsində yerləşən Radikondoli qəsəbəsidir.

Burada sakinlərin sayı cəmi 966 nəfərdir. Qəsəbə sakinlərinin sayını artırmaq üçün atılan addım isə müəyyən şərtlə edilir.

Belə ki, 30 000 dollar həmin şəxslərə qəsəbəy köçüb 10 il müddətində buarada yaşayacağı təqdirdə verilir. Qəsəbədə kirayə yaşamaq istəyənlər üçün də 30 000 dollar ödənilir. Lakin onlar da qəsəbədə 4 il kirayə yaşamalıdır. Əvvəllər qəsəbədə 3000 sakin yaşayıb. Hazırda isə bu rəqəm sürətlə azalır. Qəsəbədəki 450 evdən 100-ündə yaşayış yoxdur.

Bu barədə CNN-ə danışan bələdiyyə rəhbəri Francesko Quarquaqlini bildirib ki, prosesə iki il əvvəl başlanılıb artıq bu il layihə həyata keçiriləcək:

"İki il əvvəl başlanan mənzil layihəsi bu il bitir. Bu il yeni ev alışı və kirayəsini dəstəkləmək üçün 400 000 avrodan çox büdcə ayırdıq. Tələbələr, ictimai nəqliyyat istifadəçiləri və yaşıl enerji abunəçiləri üçün maliyyə yardımı proqramları da həyata keçirilir."

Bələdiyyə bu addımlarla qəsəbədə həyat keyfiyyətini yaxşılaşdırmağı, iqtisadi inkişafı dəstəkləməyi və xüsusilə gəncləri şəhərə cəlb etməyi hədəfləyir.

Francesko Quarquaqlini onu da bildirib ki, yaşayış üçün nəzərdə tutlan mənzillərin bəzilərinin 10 000 dollarlıq təmirə ehtiyacı var.

Qəsəbədə evlərin satışı da həyata keçirilir. Burada kiçik ölçülü mənzillər 60 000 dollar, böyük kvadratmetri olan evlər isə 117 000 dollara satılır.

Qalereya