Bu ölkədən Türkiyəyə gedənlərə xəbərdarlıq edildi - Virus təhlükəsi var

Rusiyalı turistlər xəstəliyin yayılması səbəbindən mövsümün qızğın vaxtında Türkiyəyə getməməyə çağırılıb.

BAKU.WS xəbər verir ki, bu barədə TASS-a epidemioloq Gennadi Onişenko məlumat verib.

Rusiya Elmlər Akademiyasının akademikinin sözlərinə görə, yay mövsümündə Koksaki virusunun yayılması ilə əlaqədar Türkiyə kurortlarına səfərlərdən çəkinmək lazımdır:

"Bu, xüsusən də uşaqlar üçün təhlükəlidir, çünki beyin qişasının iltihabına və mədə-bağırsaq traktının, ürəyin və qaraciyərin işinin pozulmasına səbəb olur", - deyə həkim vurğulayıb.