BMT Qəzzada ilk dəfə fəlakət səviyyəsində aclıq elan edib

Birləşmiş Millətlər Təşkilatı (BMT) Qəzza zolağında humanitar vəziyyətin kəskin pisləşdiyini açıqlayıb və ilk dəfə olaraq "fəlakət səviyyəsində aclıq" vəziyyətinin mövcud olduğunu bəyan edib.

Bu barədə BMT-nin bir sıra agentlikləri və təşkilatları tərəfindən yayılan rəsmi açıqlamada bildirilir.

Məlumatda qeyd olunur ki, bölgədə ərzaq çatışmazlığı kritik həddə çatıb, minlərlə insan aclıq təhlükəsi ilə üz-üzədir. Humanitar təşkilatlar xəbərdarlıq edirlər ki, davam edən hərbi toqquşmalar, blokada və yardımın məhdud çatdırılması nəticəsində vəziyyət daha da ağırlaşıb.