Berlində yaşayış binasında yanğın baş verib, yaralananlar var

08
mar
2025
20:17
Almaniyanın paytaxtı Berlində çoxmənzilli binada yanğın baş verib, nəticədə 16 nəfər yaralanıb.
"Report" xəbər verir ki, bu barədə Berlin Yanğınsöndürmə Xidməti məlumat yayıb.
"[Berlinin Kroytsberq rayonunda] beşmərtəbəli yaşayış binasının birinci mərtəbəsində mənzil yanıb. Ümumilikdə 15 nəfər yüngül, 1 nəfər isə ağır xəsarət alıb", – qurumun rəsmi saytında bildirilib.
Hadisə yerinə təxminən 70 yanğınsöndürən cəlb edilib, onlar alovu söndürərək sakinlərin təxliyəsinə kömək ediblər. Yaralılardan dördü xəstəxanaya yerləşdirilib. Yanğının səbəbi hələ müəyyən edilməyib.

Oxşar xəbərlər
Uitkoff Romada ABŞ – İran danışıqlarından sonra Qrossi ilə görüşüb
ABŞ Prezidenti Donald Trampın xüsusi elçisi Stiven Uitkoff ABŞ – İran danışıqlarının ikinci raundu başa çatdıqdan sonra Atom Enerjisi üzrə Beynəlxalq Agentliyin...