Almaniyada əlverişsiz hava səbəbindən aviareyslər ləğv edilib

Almaniyada şaxtalı hava və qar yağışı bir çox sahəyə, o cümlədən aviasiya sektoruna ciddi təsir göstərib.

BAKU.WS Bild-ə istinadən xəbər verir ki, əlverişsiz hava şəraiti nəticəsində Frankfurt hava limanı başda olmaqla, bir sıra aeroportun fəaliyyətində məhdudiyyətlər yaranıb. Frankfurt hava limanında bu gün üçün planlaşdırılan 1090 aviareysin 120-si ləğv olunub.

Yolların buz bağlaması səbəbindən ölkə üzrə onlarla yol-nəqliyyat hadisəsi baş verib. Aeroportlarda eniş-uçuş zolaqlarının buz və qardan təmizlənməsi üçün əlavə tədbirlər görülüb. Görüş məsafəsinin azalması və digər çətinliklər səbəbilə uçuşlar təxirə salınıb və ya ləğv edilib.

Mütəxəssislər sərnişinlərə mümkün gecikmələr və dəyişikliklərlə əlaqədar əvvəlcədən məlumat almağı tövsiyə edirlər.