ABŞ-nin vergi addımına Türkiyədən ilk reaksiya

ABŞ Prezidenti Donald Trampın imzaladığı yeni sərəncamla digər ölkələrə qarşı qarşılıqlı gömrük tariflərinin tətbiqini nəzərdə tutan addıma Türkiyədən ilk reaksiya gəlib.

BAKU.WS xəbər verir ki, Türkiyənin Ticarət naziri Ömər Bolat məsələ ilə bağlı açıqlama verib.

Nazirin sözlərinə görə, ABŞ-nin Türkiyədən idxal olunan məhsullara əlavə 10 faiz gömrük vergisi tətbiq etməsi məsələsini müzakirə etmək üçün ABŞ Ticarət Nazirliyi və Ticarət Nümayəndəliyi ilə danışıqlar aparmaq niyyətindədirlər.

Bolat bildirib ki, ABŞ-nin bir çox ölkəyə daha yüksək tariflər tətbiq etməsi fonunda Türkiyəyə tətbiq edilən vergi artımını nisbətən "az ziyanlı seçim" kimi dəyərləndirirlər.