ABŞ-nin Suriyadakı hərbi bazasına raket atıldı

Suriyanın Deyr-əz-Zor vilayətində Konoko neft-qaz yatağı yaxınlığındakı ABŞ silahlı qüvvələrinin bazası silahlılar tərəfindən raket atəşinə tutulub.

BAKU.WS xəbər verir ki, bu "əl-Mayadin" telekanalı məlumat yayıb.

Məlumata görə, raket hücumundan sonra hərbi bazadan, o cümlədən Suriya ordusunun nəzarəti altında olan Deyr-əz-Zorun şərq ərazilərinə cavab atəşi açılıb.

Deyr-əz-Zor bölgəsi uzun illərdir ki, ABŞ və Suriya qüvvələri arasında gərginlik ocağı olaraq qalır. Bölgədə zəngin neft ehtiyatları uğrunda mübarizə gedir.

Qeyd edək ki, Suriyada 2011-ci ildən bəri davam edən vətəndaş müharibəsi zamanı ölkənin şərqində yerləşən Deyr-əz-Zor əyaləti İŞİD terror qruplaşmasının əsas dayaq məntəqələrindən biri olmuşdu. 2017-ci ildə Suriya ordusu Rusiya HHQ-nin dəstəyi ilə vilayətin böyük hissəsini terrorçulardan azad etsə də, bəzi ərazilər hələ də yaraqlıların nəzarəti altındadır. Bölgədə eyni zamanda ABŞ-nin dəstəklədiyi kürd silahlıları da mövcuddur.