ABŞ Konqresi Pentaqonun büdcəsini artırmağı təklif edir

ABŞ Konqresinin Büdcə Komitəsi Pentaqonun büdcəsinin 150 milyard dollar artırılmasını təklif edib.

Bu barədə "Report" "İnterfaks"a istinadən xəbər verir.

Təklif olunan qanun layihəsində deyilir ki, əlavə vəsait döyüş hazırlığının saxlanılması, Hərbi Dəniz Qüvvələrinin (HDQ) gücləndirilməsi, nüvə sistemlərinin modernləşdirilməsi və Prezident Donald Trampın "Amerikanın dəmir qübbəsi" adlandırdığı inteqrasiya olunmuş hava hücumundan və raket hücumundan müdafiə sistemi yaratmaq üçün lazımdır.

Hazırda ABŞ Müdafiə Nazirliyinin büdcəsi təxminən 900 milyard dollar təşkil edir.