ABŞ İraqdakı iki hərbi bazanı tərk edir

Amerika Birləşmiş Ştatları İraqda yerləşən "Ayn əl-Əsəd" və "Viktoriya" hərbi bazalarından qoşunlarını çıxarmağa qərar verib.

BAKU.WS xəbər verir ki, məlumatı "Sky News Arabia" telekanalı mənbələrə istinadla yayıb.

Bildirilir ki, ABŞ qüvvələri bir hissəsini Ərbildəki hərbi bazaya, digər hissəsini isə yaxınlıqdakı ərəb ölkəsinə köçürməyə başlayıb.

Mənbənin sözlərinə görə, Vaşinqton iraqlı tərəfə prosesin sürətləndiriləcəyini və qoşunların çıxarılmasının iki ölkə arasında imzalanmış çərçivə sazişindəki qrafikdən daha tez başa çatdırılacağını bildirib.

Qeyd edək ki, ABŞ 2024-cü ilin sentyabrında İraqdakı beynəlxalq missiyasının başa çatdığını açıqlamış və hərbi qüvvələrini mərhələli şəkildə geri çəkməyə başlamışdı.