ABŞ İranla danışıqlar üçün Tehrana beş şərt irəli sürdü

ABŞ Yaxın Şərqdəki münaqişənin nizamlanması ilə bağlı İranla aparılan danışıqların davam etdirilməsi üçün Tehrana bir sıra şərtlər irəli sürüb.

BAKU.WS-in məlumatına görə, bu barədə İranın "Fars" agentliyi xəbər yayıb.

Bildirilir ki, Vaşinqton İranın tələb etdiyi təzminatın ödənilməsini qəbul etməyib. ABŞ, həmçinin Tehranın dondurulmuş xarici aktivlərinin hətta 25 faizinin belə azad edilməsinə razılıq verməyib.

Məlumata əsasən, ABŞ administrasiyası İranın 400 kiloqram uran ehtiyatının ölkə xaricinə çıxarılmasını tələb edir. Bundan əlavə, Vaşinqton birdən çox nüvə obyektinin eyni vaxtda fəaliyyət göstərməsinə qarşı çıxır.