3 yaşlı uşaq gecə şokolad yeyib öldü

Moskvada üç yaşlı uşaq gecə şokolad yedikdən sonra ölüb.

BAKU.WS Rusiya mətbuatına istinadən xəbər verir ki, hadisə noyabrın 26-na keçən gecə Vatutina küçəsində yerləşən çoxmərtəbəli binada baş verib.

Üç yaşlı uşaq şokolad yeyib və halı pisləşib. Daha sonra azyaşlı huşunu itirib. Ana təcili yardım çağırıb. Həkimlər uşağın yerindəcə ölüm faktını təsdiqləyib.

Xəstəlik əlamətləri görünməmişdən əvvəl onun şokoladdan başqa bir şey yediyi məlum deyil.

Həkimlərlə ünsiyyət zamanı oğlanın anası şok vəziyyətində olub. Hazırda hadisənin baş vermə şəraiti müəyyənləşdirilir.