Şri-Lankada avtomobil yarışında FACİƏ: Ölənlər və yaralananlar var - VİDEO

Şri-Lankada yarış avtomobili insan izdihamına çırpılıb.

BAKU.WS-in xəbərinə görə, bu barədə "Newsfirst" portalı məlumat yayıb.

Qəza keçmiş hərbi qarnizonun ərazisində keçirilən "Fox Hill Super Cross" yarışında baş verib. Bu il yarışı izləməyə 100 mindən çox insan gəlib.

Hüquq-mühafizə orqanlarının əməkdaşlarının bildirdiyinə görə, yarış iştirakçılarından biri idarəetməni itirərək avtomobili tamaşaçıların üzərinə sürüb. Uşaqlar da daxil olmaqla 7 nəfər ölüb. Daha 21 nəfər yaralanıb.

Zərərçəkənlər xəstəxanalara çatdırılıb. Onlardan dördünün vəziyyəti ağır qiymətləndirilir.