İranın hicab qanunu şəriətə zidd imiş - VİDEO
![İranın hicab qanunu şəriətə zidd imiş - VİDEO](https://baku.ws/storage/photos/thumbs/large/1701279828_fotojet-2023-11-29t203500_524.webp)
Bu il sentyabrın 20-də İran parlamenti lehinə 152, əleyhinə 34 səs olmaqla hicab haqqında yeni qanun layihəsini təsdiqləyib və onun üç illik sınaq tətbiqinə razılıq verib.
Bu barədə “Azad İran” yutub kanalı məlumat verib.
Daha sonra İran qanunvericiliyinə uyğun olaraq, qanun qəti olaraq təsdiqlənmək üçün “Şoura-ye Negəhban” adlanan Nəzarət Şurasına təqdim olunub. Lakin gözlənilənin əksinə olaraq, fəqih və hüquqşünaslardan ibarət Nəzarət Şurası təqribən bir aylıq araşdırmadan sonra onu təsdiq etməyib və oktyabrın 24-də yeni hicab qanununu öz irad və etirazları ilə birlikdə parlamentə qaytarıb.
Noyabrın 25-də isə hicab qanununa Nəzarət Şurasının iradlarının tam mətni İran mətbuatında dərc edilib. Həmin mətndən aydın olur ki, Nəzarət Şurası hicab qanununa bütövlükdə 142 irad bildirib. Bunlardan 78-i qanunun ayrı-ayrı müddəalarındakı anlaşılmazlıqlarla bağlıdır. Yəni qanun hüquqi sənəd kimi mükəmməl deyil və birmənalı şəkildə anlaşılmır. Lakin daha maraqlı məqam odur ki, Nəzarət Şurasının rəyinə görə, qanunda 22 yerdə ölkə Konstitusiyasına, 10 yerdə şəriətə, beş yerdə isə İslam Respublikasının ümumi siyasətinə uyğun olmayan müddəalar yer alıb.
Qanunda şəriətə zidd olan maddələrin öz əksini tapması xüsusi diqqət çəkir və ona dəlalət edir ki, qanunun məqsədi heç də bəyan olunduğu kimi islam dininin norma və prinsiplərinə əməl etmək deyil, mövcud siyasi quruluşu və teokratik rejimi qorumaqdır.
Daha ətraflı videosüjetdə:
Oxşar xəbərlər
İlham Əliyev Şuşada Heydər Əliyevin 100 illiyinə həsr olunmuş beynəlxalq konfransda - YENİLƏNİB + FOTO/VİDEO
Mayın 3-də ADA Universitetinin təşkilatçılığı ilə Şuşada Ümummilli Lider Heydər Əliyevin 100 illik yubileyinə həsr olunmuş “Böyük Avrasiya geosiyasətinin formal...