Maykl Cordanın məşq forması onlayn hərraca çıxarılacaq

Tanınmış basketbolçu Maykl Cordanın məşq forması "Julien's Auction's Sports Legends" onlayn hərracında satılacaq.

BAKU.WS-in xəbərinə görə, bu barədə "Daily Mail" məlumat yayıb.

Maykl Cordanın 1992-ci ildə Barselonada keçirilən Yay Olimpiya Oyunları zamanı geyindiyi məşq formasının 600 000 dollara satılacağı gözlənilir.

Hərracda Cordanın forması ilə yanaşı, digər əfsanəvi idmançıların - Pele, Dieqo Maradona, Tom Bredi, Rafael Nadal və Floyd Meyvezerin şəxsi əşyaları da nümayiş etdiriləcək.

Xatırladaq ki, cari ilin aprelin ayında Maykl Cordanın idman ayaqqabısı 2,2 milyon dollara satılaraq indiyə qədər hərracda satılan ən bahalı ayaqqabı olub.