180-dən çox rus turist PUA hücumuna görə ölkələrinə dönə bilmir

180-dən çox rus turist Birləşmiş Ərəb Əmirliklərinin paytaxtı Əbu-Dabidəki hava limanında Ukraynaya məxsus pilotsuz təyyarələrin Moskvaya gecə hücumu nəticəsində qalıb.

BAKU.WS xəbər verir ki, bu barədə "Mash" teleqram kanalı məlumat yayıb.

Məqalədə deyilir ki, ruslar səkkiz saatdan artıqdır ki yeməksiz qalırlar. Onların "Air Arabia" təyyarəsi Bakı vaxtı ilə saat 02:30-da Moskvaya uçmalı idi.

Mash-ın məlumatına görə, aviaşirkət nümayəndələri sərnişinlərə otel və ya müvəqqəti yerləşdirmə təklif etmir. Rezerv etmək əvəzinə hər kəsə öz aviabiletlərini ləğv etmək və yeni bilet almaq tövsiyə olunur. 

Turistlərin sözlərinə görə, "Coral Travel" turoperatoru onların zənglərinə məhəl qoymur.