Rusiya Prezidenti Vladimir Putin, Fransa Prezidenti Emmanuel Makron və Almaniya Kansleri Olaf Şoltsla telefon danışığı aparıb.

BAKU.WS APA-ya istinadən xəbər verir ki, telefon danışığı zamanı Ukraynadakı vəziyyətin aktual aspektləri ətrafında geniş fikir mübadiləsi aparılıb.

“Rusiya Prezidenti davam edən xüsusi hərbi əməliyyat kontekstində baş verən son hadisələr barədə həmkarlarına ətraflı məlumat verib, Rusiya Silahlı Qüvvələrinin beynəlxalq humanitar hüquq normalarına ciddi əməl etdiyini qeyd edib, Mariupolda dinc həyatın bərqərar olması üçün sistemli işin necə təşkil edildiyindən danışıb.

Kiyevin günahı ucbatından dondurulmuş danışıqlar yolundakı vəziyyətə xüsusi diqqət yetirilib. Vladimir Putin Rusiya tərəfinin dialoqun bərpasına açıq olduğunu təsdiqləyib”, - Kremlin yaydığı məlumatda qeyd olunub.

BAKU.WS