Tibb aləmində yeni kəşf - Bu dərman insan ömrünü uzadır

Alimlər "rapamisin" adlı preparatın bəzi heyvan növlərində ömrü uzatmaq qabiliyyətinə malik olduğunu müəyyən ediblər. Böyük Britaniyada aparılan genişmiqyaslı tədqiqat çərçivəsində balıqlardan meymunlara qədər 8 müxtəlif növ üzərində aparılmış 167 eksperiment təhlil olunub.
BAKU.WS xəbər verir ki, nəticələrə əsasən, rapamisin ömrü qida məhdudiyyəti qədər effektiv şəkildə uzada bilir. "Metformin" adlı başqa bir preparat isə bu baxımdan daha zəif təsir göstərib.
"Rapamisin" 1970-ci illərdə Pasxa adasında kəşf edilib. Hazırda bu dərman orqan transplantasiyası zamanı istifadə olunur.
Aparılan araşdırmalar göstərib ki, rapamisin qocalma prosesini ləngidir. Lakin onun bəzi yan təsirləri də ola bilər. Bu səbəbdən, hal-hazırda insanlar üzərində aşağı dozalı sınaqlar davam etdirilir.
Alimlərin məqsədi – qidalanmada sərt məhdudiyyətlər olmadan, daha uzun və sağlam ömür əldə etməkdir.
Oxşar xəbərlər
Xaçmazda tələbə adını qazanan şəhid övladları və yüksək bal toplayan məzunlarla görüş keçirilib
Xaçmaz Rayon İcra Hakimiyyətində "Konstitusiya və Suverenlik İli" çərçivəsində tələbə adını qazanan şəhid övladları və 600 baldan yuxarı nəticə göstərərək ali t...
