Mövsüm ərzində nə qədər çiyələk yemək lazımdır - Professor açıqlayıb

Mövsüm ərzində lazımi miqdarda C vitamini qəbul etmək üçün təxminən 10 kiloqram çiyələk yemək lazımdır.

BAKU.WS xəbər verir ki, bu barədə rusiyalı tibb elmləri doktoru, professor Olqa Miluşkina "RİA Novosti"yə müsahibəsində bildirib.

Professor vurğulayıb ki, 100 qram çiyələkdə 50-100 milliqram C vitamini ola bilər. Giləmeyvə xüsusilə görmə problemləri olan insanlar üçün faydalıdır.

Mart ayında San Dieqo Dövlət Universitetinin alimləri müəyyən ediblər ki, çiyələk yemək orqanizmin ümumi antioksidan müdafiəsini artırır və epizodik yaddaşı yaxşılaşdırır. Tədqiqatda artıq çəki və ya piylənmə (bədən kütləsi indeksi 25-40 kq/m²) olan 65 yaşdan yuxarı böyüklər iştirak edib. 

Nəticələr göstərib ki, çiyələk yemək koqnitiv emal sürətinin bir qədər artmasına və sistolik qan təzyiqinin azalmasına səbəb olur. Bədənin antioksidant qorunması səviyyəsinin artması - oksigenin aktiv formaları (ROS) ilə hüceyrələrin oksidləşməsinə qarşı mübarizə qabiliyyəti daha çox nəzərə çarpıb.