Azərbaycanəsilli biznesmen sərvətini ən çox artıran milyarderlər sıyahısında

Azərbaycan əsilli iş adamı və "Lukoil"un təsisçisi Vahid Ələkbərov Rusiya və dünyanın ən zəngin insanları siyahısında mövqeyini əhəmiyyətli dərəcədə irəlilədib. 2024-cü ildə onun sərvəti 2,59 milyard dollar artaraq 27,2 milyard dollara çatıb.

BAKU.WS-in "Bloomberg Billionaires Index" (BBI) reytinqinə istinadən verdiyi məlumata görə, Vahid Ələkbərov sərvətini ən çox artıran rusiyalı milyarderlər arasında üçüncü sırada yer alıb.

Siyahıya "Nornickel"in təsisçisi Vladimir Potanin liderlik edir. Onun sərvəti 736 milyon dollar artaraq 31,8 milyard dollara çatıb. İkinci sırada isə 29 milyard dollarlıq sərvəti ilə Vladimir Lisin qərarlaşıb.

Qeyd edək ki, 2012-ci ilin mart ayından bəri yayımlanan "Bloomberg Billionaires Index" dünyanın ən varlı 500 insanının sərvətini əks etdirir. Reytinq əsasən şirkətlərin səhmlərinin bazar dəyəri və digər maliyyə göstəriciləri əsasında hazırlanır.