Apple yenidən dünyanın ən bahalı şirkətləri siyahısına başçılıq edib

ABŞ-ın Apple korporasiyası bazar kapitallaşmasına görə Nvidia-nı geridə qoyaraq yenidən dünyanın ən bahalı şirkəti olub.

BAKU.WS xəbər verir ki, bu barədə birja ticarətinin nəticələri göstərir.

Bakı vaxtı ilə saat 17:37-yə olan məlumata əsasən, Nasdaq birjasında Apple səhmləri 0,2% bahalaşaraq hər səhm üçün 333,94 ABŞ dolları səviyyəsində ticarət olunub. Saat 17:42-də isə artım sürətlənib və səhmlərin qiyməti 334,03 ABŞ dollarına yüksələrək 0,23% artım nümayiş etdirib.

Nəticədə Apple-ın bazar kapitallaşması 4,9 trilyon ABŞ dollarına çatıb. Bazar kapitallaşmasına görə ilk üçlükdə həmçinin Nvidia (4,83 trilyon ABŞ dolları) və Google-ın ana şirkəti Alphabet (4,19 trilyon ABŞ dolları) qərarlaşıb.