Koronavirusa yoluxan ilk şəxsin kimliyi artıq müəyyən olunub.
BAKU.WS xarici mediaya istinadən xəbər verir ki, həmin şəxs Vey soyadlı çinli qadındır.
O, Uhan şəhərində “Hunan” bazarında canlı xərçəng satırmış. 2019-cu ilin dekabrın 11-də naməlum səbəbdən onun temperaturu yüksəlib və o, klinikaya müraciət edib. Soyuqdəymə əleyhinə təyin edilən müalicə kömək etməyib. Vey dekabrın 16-da Xuaçjun Elm və Texnologiyalar Universitetinin “Sehe” xəstəxanasına müraciət edib.
Sonradan onun “Hunan” bazarında koronavirusa yoluxduğu təsdiqlənmiş ilk şəxs olduğu məlum olub. Ehtimal edilir ki, məhz bu bazar infeksiyanın yayılmasının mənbəyi olub. Lakin mütəxəssislər hələ də virusun necə və hansı vəziyyətdə daşıyıcı heyvandan insana keçə bildiyini müəyyən edə bilməyiblər.
Dekabrın 31-də Uhan Səhiyyə Komitəsi ilk yoluxma qrupunda 27 nəfərin olduğunu bəyan edib. Jurnalistlər həmin şəxslərin siyahısını araşdırarkən onlardan 24-nün “Hunan” bazarı ilə əlaqəli olduğunu öyrəniblər.