"Xəzər Media Mərkəzi"ndən möhtəşəm zəfərimizlə bağlı xüsusi marafon - VİDEO

"Xəzər Media Mərkəzi" Zəfər gününə həsr olunmuş xüsusi marafona start verib.BAKU.WS xəbər verir ki, vətəndaşlar əsgər salamı verdikləri "Zəfər duruşu" videolarını çəkərək "Telegram"da "@shereflovhesi" səhifəsinə göndərə bilərlər. Göndərilən videolar 8 noyabr - Zəfər günündə "Xəzər"də nümayiş olunacaq.

İlk olaraq “Xəzər Media Mərkəzi"nin əməkdaşlarının qoşulduğu marafonun məqsədi qələbə əhval-ruhiyyəsini yaşamaq, igid əsgərlərimiz və qəhrəman şəhidlərimizə hörmət və ehtiramı nümayiş etdirməkdir.

Marafona hər peşədən, cinsdən və yaşdan insanlar qatıla bilər. Videoların horizontal formada çəkilməsi tövsiyə olunur.